Vörlesen op Platt

Marne Hanna Regenbogen Dienstag, 25. Januar 2022



Wokeen kann hüüt na op Plattdütsch vörlesen? Jedeen Jahr geiht de Tahl vun de Lüüd, de Platt snacken köönt, bannig torüch. Dat sik liekers jümmers wedder Kinner to‘n Vörlesen in uns regionale Minderheitenspraak anmeld, freut den Marner Schoolleiter Matthias Lein und sien beiden Kollegen Kai Michaelsen und Hanna Regenbogen, de ok in de School tosamen Platt snackt, ganz besonners.

Anni Scheel, Sarah Kruse, Athina Tziovara und Mattis von der Geest hebbt düt Jahr an dat Vörlesen deelnahmen. Mit de Geschicht „De Slötel“ kunn Mattis von der Geest de Jury övertügen. He ward dat Marner Gymnasium op de nächste Ebene bi den Landschaftsentscheid vertreden. Wokeen uns Plattdütschhart tosätzlich lüchen laaten hett, is de Griechin Athina Tziovara. Se hett sik mit Hölp vun den Hörtext, den de Schleswig-Holsteenische Heimatbund online stellt harr, dat Plattdütschlesen alleen bibröcht. To‘n Schluss hebbt all de Schoolmeisters seggt, se kunnen all op Platt lesen. Dat Marner Gymnasium wünscht Mattis von der Geest heel veel Spaß und Erfolg in de nächste Runn.